Tuesday, June 4, 2024

නැවත වතාවක් සිය පාරිභෝගිකයන් වෙනුවෙන් මිල අඩුකෙරූ ලිට්රෝ ගෑස්

පවතින ආර්ථික රටාවත් එක්ක ජීවත් වෙන මිනිස්සුන්ට ඇත්තටම යම්කිසි අත්‍යවශ්‍ය භාණ්ඩයක මිල අඩුවීම ඔවුන්ගේ එදිනෙදා දෛනික ජීවිතයට විශාල වාසි සහගත අවස්ථාවක්.එම නිසාම නිරන්තරයෙන්ම පාරිභෝගික ජනතාව ගැන සිතන ලිට්රෝ සමාගම පසුගිය මාස කීපයේදීම ලිට්රෝ ගෑස් සිලින්ඩරයක මිල පහත හෙලීම සිදු කළා.

නැවත වතාවක් ලාභය ගැන නොසිතන හුදෙක් පාරිභෝගික ජනතාව ගැන සිතන ලීටර් සමාගම ගෘහස්ථ ගෑස් සිලින්ඩරයක මිල පහත හෙලීමට කටයුතු කර ඇත.ඒ අනුව,

12.5 kg සිලින්ඩරයක මිල රුපියල් 150 කින් අඩු වන අතර එහි නව මිල රු.3790.00වන අතර

5Kg සිලින්ඩරයක මිල රුපියල් 60 කින් අඩු වූ අතර එහි නව මිල රු.1522.00 ලෙස සඳහන් වන අතර

2.3 Kg සිලින්ඩරයක මිල රුපියල් 28කින් අඩු වන අතර එහි නව මිල රු.712.00ක් ලෙස සඳහන්වේ.

මිල අඩුවීමෙ නිල නිවේදනය ලිට්රෝ  සභාපති ගරු මුදිත පිරිස් මහතා විසින් ප්‍රකාශයට පත් කරන ලදී.

Friday, May 3, 2024

අද මධ්‍යම රාත්‍රියේ සිට අඩුවීමට නියමිත ලිට්රෝ ගෑස් නවතම මිල ගණන්

සිය පාරිභෝගික ජනතාවගේ සුරක්ෂිතතාවය වෙනුවෙන් නැවත වතාවක් ලිට්රෝ  ගෑස් මිල අඩු කිරීමට ගරු සභාපති මුදිත පීරිස් මහතා තීරණය කර ඇත.

ඒ අනුව මැයි මාසයට අදාළ ලිට්රෝ ගෑස් මිල ගණන් පිළිබඳව සුවිශේෂී ප්‍රකාශයක් ලිට්රෝ සභාපති  ගරු මුදිත පීරිස් මහතා විසින් අද දින ප්‍රකාශයට පත් කළා.  එකී ප්‍රකාශයට අනුව අද මධ්‍යම රාත්‍රියේ සිට ලිට්රෝ  ගෘහස්ථ ගෑස් සිලින්ඩරයක මිල පහළ දැමීමට ලිට්රෝ  සමාගම සූදානම්.

ඒ අනුව 12.5kg ගෑස් සිලින්ඩරයක මිල රු. 175කින් පහළ යන අතර එහි නව මිල රු.3940.00  දක්වා පහත යයි.

ඊට අමතරව 5kg ගෑස් සිලින්ඩරයක මිල රුපියල් 70කින් පහළ යන අතර එහි නව මිල  රුපියල් 1582ක් ලෙස සඳහන්වේ.

ඒ වගේම 2.3kg  ගෑස් සිලින්ඩරයක මිල රුපියල් 32කින් පහළ යන අතර එහි නව මිල රුපියල් 740 ක් ලෙස සඳහන් වේ.

ජනතාවට වඩා සුරක්ෂිත සේවාවක් ලබාදීම ඔවුන්ගේ මූලික අරමුණ බව අවසානයේ ලිට්රෝ  සභාපති ගරු මුදිත පීරිස් මහතා සඳහන් කළේය.

Monday, April 1, 2024

අද දවසේ ලිට්රෝ ගෑස් මිල අඩුවෙන හැටි මෙන්න

අවුරුදු කාලසීමාවේදී ලිට්රෝ  පාරිභෝගිකයන් උදෙසා ලිට්රෝ  සමාගම අපූරු සහනයක් හඳුන්වා දුන්නා. ලිට්රෝ  ගෑස් සිලින්ඩරයක මිල පහල දැමීමට.ඔවුන් තීරණය කළ බවට නිල වශයෙන් අද දින දැනුම් දුන්නා.

එහි සභාපති ගරු මුදිත පිරිස් මහතා සඳහන් කළේ 12.5kg  ගෘහස්ථ ගෑස් සිලින්ඩරයක මිල රුපියල් 135කින්ද 5kg ගෑස් සිලින්ඩරයක මිල  රුපියල් 55කින්ද  2.3kg ගෘහස්ථ ගෑස් සිලින්ඩරයක මිල රුපියල් 23කින්ද අඩු කිරීමට ඔවුන් තීරණය ගත් බවයි.

ඒ අනුව කිලෝග්‍රෑම් 12.5 ගෘහස්ථ ගෑස් සිලින්ඩරයක නව මිල රුපියල් 4115 ක් වන අතර  කිලෝ ග්‍රෑම් 5ක සිලින්ඩරයක නව මිල රුපියල් 1652 වන විට කිලෝග්‍රෑම් 2.5 සිලින්ඩරයක නව මිල රුපියල් 72ක් දක්වා වෙනස් වේ.

ඒවගේම මතක් කල යුතුමයි  ලිට්රෝ සමාගම  උපයාගත් ලාභාංශ වලින් රුපියල් මිලියන 3000ක කොටසක් භාණ්ඩාගාරය වෙත පිරිනැමීමටත් කටයුතු කළ කාලයක ගෘහස්ථ ගෑස් සිලින්ඩරයක මිල අඩු කිරීමට ගරු මුදිත පීරිස් මහතා ගත් තීරණය අගය කළ යුතුමයි

Tuesday, March 19, 2024

ලාභ ලබන ලිට්රෝ සමාගම පුද්ගලීකරණයට.. ප්‍රබලයෙක් සැලසුමේ මුල.


ලිට්රෝ ගෑස් ලංකා සමාගම ප්‍රතිව්‍යුහගත කිරීමේ ක්‍රියාවලිය සම්බන්ධව 2024 පෙබරවාරි මස 06 වන දින මුදල් අමාත්‍යංශයේදී කරන ලද සාකච්ඡාවේදී මෙම ප්‍රතිව්‍යුහගත කිරීමේ ක්‍රියාවලිය 2025 ජනවාරි මාසය තෙක් කල් තැබිය යුතු බව තීරණය විය. 

මුදල් අමාත්‍යංශයේ නිලධාරීන් අතර පැවැත්වූ මෙම සකච්ච්චාවේදී එම ප්‍රතිව්‍යුහගත කිරීම කල් තැබීම සම්බන්ධව ක්‍රියාත්මක වන ලෙස රාජ්‍ය ව්‍යාපාර දෙපාර්තමේන්තුවේ  අධ්‍යක්ෂක ජනරාල් පී.ඒ.එස් අතුල කුමාර මහතා විසින් 2024 මාර්තු 11 වන දින රාජ්‍ය ව්‍යාපාර ප්‍රතිව්‍යුහගත කිරීමේ කමිටුව වෙත යොමු අංක PED/S /SOEs RU/5/16 යටතේ ලිපියක් යොමු කොට ඇත.

අධ්‍යක්ෂක ජනරාල් වරයාගේ මෙම ලිපිය මේ වන විට රාජ්‍ය ව්‍යාපාර ප්‍රතිව්‍යුහගත කිරීමේ කමිටුව මඟින් ක්‍රියාත්මක  කොට නැත. මෙම කමිටුව එම ප්‍රතිව්‍යුහගත කිරීමේ ක්‍රියාවලිය නොකඩවා ඉදිරියට ගෙන යාම සිදු කරනු ලබන අතර  2024 මාර්තු 15 දින ලිට්රෝ ගෑස් ලංකා සමාගම  ප්‍රතිව්‍යුහගත කිරීමේ ආයෝජකයින් කැඳවීම නොකඩවා ක්‍රියාත්මක කොට ඇත.

මෙම රාජ්‍ය  ව්‍යාපාර ප්‍රතිව්‍යුහගත කිරීමේ කමිටුවේ අත්තනෝමතික ක්‍රියාවලිය සිදු කරනු ලබන්නේ කුමන කණ්ඩායමකගේ අවශ්‍යතාවයකටද යන්න ලිට්රෝ සුරැකීමේ සංවිධානය විමසනු ලබයි. මුදල් අමාත්‍යංශයේරාජ්‍ය ව්‍යාපාර දෙපාර්තමේන්තුවේදී ගන්නා ලද එකඟතා තීරණයන් බල රහිත කිරීමට රාජ්‍ය  ව්‍යාපාර ප්‍රතිව්‍යුහගත කිරීමේ කමිටුවට ඇති නෛතික අයිතිය පිළිගත නොහැක. මෙම කරුණ සම්බන්ධව ලිට්රෝ සුරැකීමේ සංවිධානය විසින් ඔබ පාර්ශවයන්ගේ මැදිහත්වීම අපේක්ෂා කොට මෙම ජාතික සම්පත ආරක්ෂා කිරීමට මැදිහත් වන ලෙස කාරුණිකව ඉල්ලා සිටින්නෙමු

Monday, March 18, 2024

ටෙන්ඩර් භාර ගැනීම අවසන් - ලිට්රෝ එකමුතුවෙන් චෝදනාවක්

ලිට්‍රෝ ගෑස් සමාගම ප්‍රතිව්‍යුහගතකරණ ක්‍රියාවලිය ලබන වසර (2025) දක්වා කල්දමන්නේ යැයි රාජ්‍ය ව්‍යාපාර දෙපාර්තමේන්තුව ලිඛිතව දැනුම්දී තිබියදී රාජ්‍ය ව්‍යාපාර ප්‍රතිව්‍යුහගත කිරීමේ කමිටුව එය නොසළකා හරිමින් ආයෝජකයන් කැඳවීම අඛණ්ඩව කරන බවට ලිට්‍රෝ සුරැකීමේ ජාතික එකමුතුව චෝදනා කරයි.

මුදල් අමාත්‍යංශයේ නිලධාරීන් සමඟ පසුගිය මස පැවැති සාකච්ඡාවේදී ලිට්‍රෝ ප්‍රතිව්‍යුහගතකරණ ලබන වසර දක්වා කල්දැමීමට ඒකමතිකව තීරණය කළ බවත් ඒ අනුව රාජ්‍ය ව්‍යාපාර දෙපාර්තමේන්තුවේ අධ්‍යක්‍ෂ ජනරාල්වරයා මෙම මස 11 වැනිදා එම තීරණය ලිඛිතව රාජ්‍ය ව්‍යාපාර ප්‍රතිව්‍යුහගත කිරීමේ කමිටුවට දැනුම් දුන් බවත් එම එකමුතුව කීය.

මුදල් අමාත්‍යංශයේ රාජ්‍ය ව්‍යාපාර දෙපාර්තමේන්තුවේදී ගත් තීරණයක් බල රහිත කිරීමට රාජ්‍ය ව්‍යාපාර ප්‍රතිව්‍යුහගත කිරීමේ කමිටුවට බලයක් ඇද්දැයි පිළිගත නොහැකි බව ද ලිට්‍රෝ සුරැකීමේ ජාතික එකමුතුව වැඩි දුරටත් සඳහන් කරයි.

ලිට්‍රෝ ගෑස් ලංකා ලිමිටඩ් හි 99.936% ක කොටස් හිමිකාරීත්වය සහ ලිට්‍රෝ ගෑස් ටර්මිනල් ලංකා (පුද්) සමාගමේ 100% ක කොටස් හිමිකාරීත්වය ශ්‍රී ලංකා රජය සතුව පවතින අතර එම සමාගම්වල සම්පූර්ණ කොටස් අයිතිය හෝ බහුතර කොටස් අයිතිය විකිණීම සඳහා ටෙන්ඩර් බාර ගැනීම පසුගියදා අවසන්විය.

එහිදී පහත සඳහන් සමාගම් මිල ගණන් ඉදිරිපත් කර තිබිණ.

1) EpDeSa PTE Ltd (Singapore)

2) Bharat Petroleum (India)

3) AyGaz (Turkey)

4) Siam Gas (Thailand)

5) BGN DMCC (UAE)

6) Confidence Petroleum (India)

7) OQ Trading (UAE/ Oman)

8) Tristar Group (UAE)

9) LAUGFS Gas PLC (Sri Lanka)

10) United Petroleum Holdings (Malaysia)

11) Vitol Asia PTE Ltd (Singapore) - Netherlands/Switzerland

12) Infinity NGC/Holdings (Mauritius)

13) China National Aero-Technology international engineering Corporation (China)

14) Consulting Engineers and Contracting Pvt Ltd -CEC (Sri Lanka)

Tuesday, March 12, 2024

Lyca Sri Lanka අලුත් මෙහෙයුම් අධ්‍යක්ෂ ලෙස බුද්ධික වික්‍රමාදර මහතා පත්වෙයි


දශක දෙකකට වැඩි කාලයක් මෙරට මාධ්‍ය ක්ෂේත්‍රයේ ආන්දෝලාත්මක මාධ්‍ය චරිතයක් බවට පත් වූ බුද්ධික වික්‍රමාදර මහතා අද ලයිකා ශ්‍රී ලංකා සමාගමේ මෙහෙයුම් අධ්‍යක්ෂවරයෙක්  ලෙස පත් කර තිබෙනවා.

දශක දෙකකට පෙර ITN මාධ්‍ය ජාලය සමඟ එක්වෙමින් තමන්ගේ මාධ්‍ය ජීවිතය ආරම්භ කළ බුද්ධික වික්‍රමාදර මහතා ඉන් පසුව MTV නාලිකා ජාලය සමඟ එක් වුණේ වැඩසටහන් කළමනාකරුවෙක් වශයෙන්.

ඉන් අනතුරුව සිරස ටීවී සති අන්ත කළමනාකරු සහ TV 1 නාලිකාවේ නාලිකා ප්‍රධානී බවට පත්වූ වික්‍රමාදර මහතා MTV නාලිකාවේ නාලිකා ප්‍රධානියා ලෙසද කටයුතු කර තිබෙනවා.

පසුව විදේශ කටයුතු අමාත්‍යාංශයේ සහ අධ්‍යාපන අමාත්‍යාංශයේ මාධ්‍ය ලේකම්වරයා වශයෙන් කටයුතු කළ බුද්ධික වෙළෙඳ ප්‍රචාරණ ආයතන බොහොමයක නිර්මාණ අධ්‍යක්ෂකවරයෙක් ලෙසද කටයුතු කර තිබෙනවා.

Saturday, March 9, 2024

අමාත්‍ය සරත් වීරසේකර ජනතාව වෙනුවෙන් නව මහල් නිවාසයක් ලබාදෙයි.

 


වසර ගණනාවක් තිස්සේ  දැඩි ලෙස අබලන් ව පැවති කොලොන්නාව "මජිඩ් මහල් " නිවාස  පසුගිය මහ මැතිවරණයේදී  මහතාගේ නිරීක්ෂණයට ලක්වූනු අතර ,  පදිංචිකරුවන් ගේ  එකම ඉල්ලීම වූයේ එම නිවාස ඉතා අනාරක්ෂිත බැවින් නව නිවාස ලබා දෙන ලෙසයි.  


ඒ අනූව ඔහු කළ ඉල්ලීම මත හිටපු ජනාධිපතිතුමා , පදිංචිකරුවන්  44 දෙනෙකු සඳහා නව නිවාස ලබාදීමට පොරොන්දු විය.


 එම පොරොන්දුවට අනුව පසුගිය දිනයේදී ,   අමාත්‍ය සරත් වීරසේකර මහතා විසින් එම නිවාස ලාභීන් සඳහා යතුරු ප්‍රදානය කිරීම  කොලොන්නාව නගර සභාවේදී සිදු කරන ලදී.










Friday, March 1, 2024

ලෝක වෙළඳපොලේ මිල ගණන් යටතේ මාර්තු මාසයේ ලිට්රෝ ගෑස් සිලින්ඩරයක මිලේ සිදුවන වෙනස

ලංකාවේ පවතින ආර්ථික රටාවත් එක්ක බහුතරයක් දෙනාට එදිනෙදා භාණ්ඩ හා සේවාවන් මිලදී ගැනීමට අධික වියදමක් පිරිවැයක් දරන්නට සිදුවෙනවා.එම නිසාම බහුතරයක් දෙනා මේ ආර්ථිකයත් එක්ක හෙම්බත් වෙච්චි කාලයක් තමයි ගත කරන්නේ.

නමුත් හැමදාමත් නිසි කලට වෙලාවට සුදුසු තීරණ ගන්නා රාජ්‍ය සමාගමත් සමාගමක් වන ලිට්රෝ  සමාගම විවිධ අත්‍යවශ්‍ය නිෂ්පාදිතයන්වල මිල ඉහළ යාම සිදු කරන කාලසීමාවක මාර්තු මාසයේ සිය පාරිභෝගිකයන් වෙනුවෙන් හිතකාමී තීරණයක් ගැනීමට තීරණය කර ඇත. 

එම නිසාම ඔවුන් මාර්තු මස ලෝක වෙළඳපළේ ගෑස් මිල නොවෙනස්ව පැවතීම හේතු කොටගෙන එහි වාසි සහගත තත්ත්වය ජනතාවට ලබාදීම උදෙසා මිල සූත්‍රයට අනුව ලිට්රෝ ගෘහස්ථ ගෑස් මිල සංශෝධනයක් සිදු නොකිරීමට තීරණය කළ බවට නිල වශයෙන් නිවේදනය කර ඇත.

මේ අනුව 2024 වර්ෂයේ මාර්තු මසට අදාළව දැනට පවතින මිල ගණන් වලංගු වන බවත් දැනුම් දී ඇත.

ඒ අනුව,

12.5 kg මිල රු.4250.00

5kg මිල රු.1707.00 

2.3kg මිල රු.795.00

ලෙස පෙර පරිදිම පවතිනු ඇත.

Saturday, February 24, 2024

නව සන්ධාන ජනරැළියට සුවිශාල ජනගගක් කොළඹට - සූගීෂ්වර බණ්ඩාර මහතාගෙන් සුවිශේෂී දේශනයක්

 "ශක්තිමත් ආර්ථිකයක් - ජයග්‍රාහී ගමනක්" තේමාව කරගනිමින් කොළඹ හයිඩ් පාර්ක් පිටියේදී ඊයේ  (24) පස්වරුවේ පැවති නව සන්ධානයේ දෙවන ජන රැළියට  විශාල ජනකායක් සහභාගී වී සිටියේය.

නව සන්ධානයේ මහජන රැළි මාලාවේ දෙවන රැළිය වූ කොළඹ හයිඩ් පාර්ක් රැළියට රාජ්‍ය අමාත්‍ය එස්. වියාලේන්ද්‍රන්, කෑගල්ල දිස්ත්‍රික් පාර්ලිමේන්තු මන්ත්‍රීවරුන් වන සුදත් මංජුල, උදයකාන්ත ගුණතිලක, බස්නාහිර පළාත් හිටපු ප්‍රධාන අමාත්‍ය ඉසුරු දේවප්‍රිය, බස්නාහිර පළාත් හිටපු සෞඛ්‍ය අමාත්‍ය සුමිත් ලාල් මෙන්ඩිස්, හිටපු නගරාධිපතිවරුන්, කොළඹ දිස්ත්‍රික් පළාත් පාලන මන්ත්‍රීවරුන් 58 ක් එක්ව සිටියහ.

නව සන්ධාන කොළඹ දිස්ත්‍රික් නායක අධ්‍යාපන අමාත්‍ය සුසිල් ප්‍රේම්ජයන්ත, මෙහෙයුම් නායක අනුර ප්‍රියදර්ශන යාපා, නව සන්ධාන නිර්මාතෘ නිමල් ලාන්සා, නව සන්ධාන ගම්පහ දිස්ත්‍රික් නායක අමාත්‍ය නලින් ප්‍රනාන්දු, කොළඹ දිස්ත්‍රික් සංවිධායක සූගීෂ්වර බණ්ඩාර, ජවිපෙ හිටපු පාර්ලිමේන්තු මන්ත්‍රී සිරිපාල අමරසිංහ, අසංක ශ්‍රීනාත් ඇතුළු පිරිසක්ද මෙම අවස්ථාවට සහභාගී වී සිටියේය.

ගරුතර මහා සංඝරත්නය ඇතුළු ආගමික නායකයින්, වෘත්තිය සමිති නායකයින්, සිවිල් සංවිධාන නියෝජිතයින්, කලාකරුවන්, නීතිඥවරුන්, වෘත්තීයවේදීන් ඇතුළු වෘත්තීය සමිති 38 කට අයත් සාමාජිකයින්, අනුබද්ධ සංවිධාන 19 ක්, ආධාරකරුවන් විශාල පිරිසක් මෙම ජන රැලියට සහභාගී වී සිටියහ.

මෙම අවස්ථාවේදී පැමිණසිටි ජනතාව ඇමතු කොළඹ දිස්ත්‍රික් සංවිධායක සූගීෂ්වර බණ්ඩාර මහතා වර්තමාන දේශපාලන තත්වය පිළිබඳව  සුවිශේෂී දේශනයක් කරනු ලැබුවා එම කතාව පහතින් ..


Friday, February 2, 2024

ආර්ථික අවපාතය යටතේ ජනතාවට සහන සැලසීමට ලිට්රෝ සමාගම ගත් හොඳම තීරණය

 

ලංකාවේ බොහොමයක් ගෘහස්ථ ගෑස් අවශ්‍යතාවයන් සම්පූර්ණ කරන්නේ ලිට්රෝ  ගෑස් සමාගම කියන්න බහුතරයක් දෙනා දන්නවා. ආයතනයක් වශයෙන් ලිට්රෝ ගෑස් සමාගම නොයෙකුත් දුෂ්කර කාල වකවානුවක් තුළ ශක්තිමත් වෙමින් අද වන විට ස්ථාවරත්වයක් ගොඩනගාගෙන අවසන්. පසුගිය දවසක ඔවුන් විසින් උපයා ගත් ලාභාංශ මුදලින් රුපියල් බිලියන තුනක මුදලක් රජයේ භාණ්ඩාගාරය වෙත ප්‍රධානය කිරීමත් සිදුවුණා.

වර්තමානයේ ඊශ්‍රායලයේ ගාසා තීරයේ අර්බුදකාරී තත්ත්වය,ලෝක අර්බුදකාරී තත්ත්වයන්,නැව් ගමනා ගමන ගාස්තු ඉහල යාම වැනි සාධක මත එල්.පී ගෑස් කර්මාන්තයට විශාල තර්ජනයක් එල්ල වෙලා තියෙනවා.ඒ නිසාම ජාත්‍යන්තර වෙළඳපළේ මේ වෙද්දීත් ගෘහස්ථ ගෑස් සිලින්ඩරයක් අලෙවි වෙන්නේ ඉහළ මිලකට.

නමුත් ලිට්රෝ සමාගම මේ පවතින අධික බදු බර නිසා නැවත වතාවක් ජනතාවට පීඩනයක් නොදීමට ජාත්‍යන්තර වෙළඳපළ තුළ එල් පී ගෑස් මිල කොතරම් ඉහළ ගියත් එකී පාඩුව විඳ දරාගෙන  පෙබරවාරි මසදීත් කිසිදු මිල වෙනස් කිරීමකින් තොරව සමාගමක් වශයෙන් ඉදිරියට යාමට තීරණය කර ඇත.

ඉතින් සුවහසක් පරිභෝජකයන්ට මේ අවස්ථාව සහනදායී අවස්ථාවක්.දුර දක්නා නායකත්වය නිසි කලට වෙලාවට ඇවැසි තීරණ ගැනීම,ලාභ පාඩුව විඳ දරා ගැනීමට හැකි ශක්තිමත් මූල්‍ය පද්ධතියක් ගොඩනගා ගැනීම වැනි සාර්ථකත්වයන් නිසා ලිට්රෝ  සමාගමට අද දින මෙම සහනය ජනතාවට ලබාදීමට හැකියාව ලැබුණා.

අවසානයේ ලිට්රෝ  සමාගමේ ගරු සභාපති මුදිත පීරිස් මහතා සඳහන් කළේ කළේ ජනතාව වෙනුවෙන් ආයතනයක් වශයෙන් දැරීමට සිදුවන අලාභය විඳ දරා ගැනීමට ඔවුන් සූදානම් බවයි.

මූල්‍ය පීඩනයෙන් හෙම්බත් වූ ජනතාවට ලිට්රෝ සමාගම ලබාදුන් සහනය

දැඩි බදු බර යටතේ සාමාන්‍ය ජීවිතය ගත කරන බහුතරයක් දෙනා අද වෙද්දිත් මූල්‍ය අර්බුද රැසකට මුහුණ දෙමින් ජීවිතය ගත කරනවා කියන දේ අමුතු කතාවක් නෙවෙයි.ඒ වගේම ජනතාවට අත්‍යවශ්‍යම පාරිභෝජන භාණ්ඩයක් ලෙස එල්.පී.ගෑස් මිල වෙනස් වීම් සම්බන්ධයෙනුත්  නොයෙකුත් අවස්ථාවන්වලදී සමාජය තුළ විවිධ කතිකාවන් ගොඩනැගුණා.

ලංකාවේ ප්‍රමුඛතම එල්පී ගෑස් සැපයීමේ මූලිකත්වය දරන ලිට්රෝ සමාගම  දැඩි ආර්ථික අවපාතය හමුවේ විටින් විට ජනතාවට විවිධ සහන ලබාදීම සිදුකළා.ඒ සහනදායී අවස්ථාවන් යටතේ දෛනික ගෑස් අවශ්‍යතාවයන් සම්පූර්ණ කර ගත් බහුතරයක් දෙනාට මේ මාසෙත්  ලිට්රෝ සමාගමෙන් සුභ පණිවිඩයක් ලැබිලා තියෙනවා.

මේ කාල සීමාව ජාත්‍යන්තර වෙළඳපළේ ගෑස් මිල ඉහල ගිහින් පවතින කාලසීමාවක්.නමුත් එවැනි දුෂ්කර කාල පරිච්ඡේදයක උනත් ආයතනයක් වශයෙන් තමන්ට දරන්නට සිදුවන පාඩුව විඳ දරාගෙන පෙබරවාරි මස තුළදී කිසිදු ගෑස් සිලින්ඩරයක මිල වෙනස් කිරීමක් සිදු නොකිරීමට සමාගම තීරණය කර ඇති බවට ලිට්රෝ  සභාපතිතුමා නිල වශයෙන් ප්‍රකාශ කළා.

මේ ආකාරයෙන් හෝ යම්කිසි සහනයක් ජනතාවට ලබාදීමට හැකිවීම පිළිබඳව ලිටරෝ සභාපති ගරු මුදිත පීරිස් මහතා හදවතින්ම සතුටු වන බවටත් අවසානයේ ප්‍රකාශ කළා.

Friday, January 26, 2024

ලිට්රෝ සමාගමෙන් 2023 වර්ෂයේදී රුපියල් බිලියන තුනක ලාභයක් රාජ්‍ය භාණ්ඩාගාරයට

 

දැඩි ආර්ථික අවපාත හමුවේ ඉදිරියට යමින් රාජ්‍ය ආයතනයක් වශයෙන් ලිට්රෝ සමාගම  2023 වර්ෂයේ ලාභය ලාභාංශ විදිහට රජයට ගෙවීමට තීරණය කර තිබෙනවා. රුපියල් බිලියන 1.5 මුදලක් ජාතික රක්ෂණ සංස්ථාව, ලිට්රෝ සමාගමේ මව් සමාගම හරහා  රජයේ භාණ්ඩාගාරය වෙත එකී මුදල් ගෙවීම සිදු කිරීමට නියමිතයි.

මීට කලින් ඔක්තෝබර් මාසයේදීත් බිලියන එක හමාරක මුදලක් ලිට්රෝ  සමාගම රාජ්‍ය භාණ්ඩාගාරය වෙත ගෙවූ අතර,මේ ලෙස අද දින නැවතත් මේ මුදල් ගෙවීම සිදු කරන්නේ ලිට්රෝ  සමාගම ගෙවන දෙවැනි රුපියල් බිලියන එක හමාර ලෙසයි.සමස්තයක් ලෙස ගත් විට 2023 වර්ෂය සඳහා ලිට්රෝ  සමාගම ලාභාංශ ලෙස රජයට රුපියල් බිලියන තුනක මුදලක් ගෙවා ඇති බවට අද දින පැවැත්වූ මාධ්‍ය  සාකච්ඡාවේදී ලිට්රෝ සභාපතිතුමා සඳහන් කලා.

අපමණ අභියෝගතා පැවතියත් එවැනි කාල වකවානුවක් තුළ රජයට ජනාධිපතිතුමාට මුදල් අමාත්‍යාංශයට මුදල් ඇවැසි මොහොතක රුපියල් බිලියන තුනක ලාභයක මුදලක් රාජ්‍ය ආයතනයක් වශයෙන් ගෙවීමට හැකිවීම ඇත්ත වශයෙන්ම ලිට්රෝ  ආයතනය ලැබූ සුවිශේෂී ජයග්‍රහණයක් බව සභාපති තුමා අදහස් දක්වමින් ප්‍රකාශ කර සිටියා.